,, Иднината им припаѓа на оние кои за време на промените се подготвени да учат, а оние кои мислат дека нема што повеќе да научат, ќе останат во светот кој веќе не постои“

Воспитно-образовната дејност  претставува ,,дејност која се спроведува од страна на постарите генерации врз оние кои сеуште не се подготвени за општествен живот“. Но, подигањето на квалитетот на воспитно-образовниот процес и негово поголемо педагошко ефектуирање е многу повеќе од оваа општа и широка дефиниција за што зборува постојаната преокупација на многу образовни системи во светот вклучувајќи го и нашиот.

Ликот на наставникот на 21век треба да биде во согласност со реалното  случување и антиципираните потреби – богат на општообразовно и стручно поле и оспособен и мобилен на планот на стекнување потребни вештини за реализирање на неговата професија.